कञ्चनपुर: कृष्णपुर नगरपालिका वडा नं. २ वाणी गडविजुला टोल स्थित श्री सिद्धनाथ बालज्योती आधारभूत विद्यालय प्राङ्गणमा मछेली युवा क्लब को आयोजनामा भोलि अर्थात कार्तिक १७ गते शनिवार बिहान ११:३० बजे देखि सञ्चालन हुने एक दिवसीय गाउँस्तरीय पेनाल्टी सुटआउट फुटबल प्रतियोगिता २०८१ को ट्रफी सार्वजनिक कार्यक्रम सम्पन्न गरिएको छ।
प्रतियोगितामा प्रथम हुने विजेतालाई नगद रु २५ हजार मेडल, ट्रफी, प्रमाणपत्र, दोस्रो(उपविजेता) हुने टिमलाई नगद रु १५ हजार मेडल, ट्रफी र प्रमाणपत्र पुरस्कार दिईने आयोजक मछेली युवा क्लबले जनाएको छ भने प्रतियोगितामा टिम प्रवेश शुल्क रु २ हजार लाग्ने छ।
त्यस्तै गरी बेस्ट गोल किप्पर, बेस्ट स्कोरललाई रु १५०० मेडल र प्रमाणपत्र उपलब्ध गराईने आयोजकले जनाएको छ।कृष्णपुर नगरपालिका का नगर प्रमुख हेम राज ओझाको प्रमुख आतिथ्यमा प्रतियोगिताको उद्घाटन हुने मछेली युवा क्लबका अध्यक्ष भुवन सिह धामीले बताएका छन्।
