कञ्चनपुर जिल्ला खेलकुद विकास समितिको नेतृत्वमा ज्ञानेन्द्र बहादुर सिंह
सुदूरपश्चिम प्रदेशको खेलकुद इतिहासमा एउटा नयाँ अध्यायको सूत्रपात गर्दै शुक्लाफाँटा नगरपालिका-७ का प्रखर एवं ऊर्जावान् व्यक्तित्व ज्ञानेन्द्र बहादुर सिंह कञ्चनपुर जिल्ला खेलकुद विकास समितिको अध्यक्ष पदमा आगामी चार वर्षका लागि नियुक्त भएका छन।
सुदूरपश्चिम प्रदेश खेलकुद परिषद्को २०८३ वैशाख २ गतेको ऐतिहासिक निर्णयअनुसार, प्रदेश खेलकुद नियमावली २०७७ को नियम ५(क) को भावनालाई आत्मसात् गर्दै प्राप्त भएको यो मनोनयनले कञ्चनपुरको खेल जगतमा नयाँ रक्तसञ्चार गराउने आश गरिएको छ, यसलेओझेलमा परेका खेलाडीहरूको भविष्यमा आशाको नयाँ किरण समेत छरिदिएको छ।
सदस्य सचिव लोक बहादुर खड्काद्वारा हस्ताक्षरित यस नियुक्तिले सिंहको काँधमा जिल्लाको खेल पूर्वाधार निर्माण, प्रतिभा पहिचान र व्यावसायिक खेल संस्कृतिको विकास गर्ने गुरुत्तर जिम्मेवारी सुम्पिएको छ। यस कार्यकालमा कञ्चनपुरले खेलकुदको क्षेत्रमा अभूतपूर्व फड्को मार्ने, स्थानीय स्तरका खेल मैदानहरूले आधुनिक स्वरूप पाउने र यहाँका खेलाडीहरूले राष्ट्रिय तथा अन्तर्राष्ट्रिय मञ्चमा आफ्नो सामर्थ्य प्रमाणित गर्ने अवसर पाउने विश्वास लिइएको छ।
“सही ठाउँमा सही व्यक्तिको छनोट” को रूपमा सर्वत्र प्रशंसा गरिएको यो मनोनयनले सुदूरपश्चिमको समग्र खेलकुद संरचनालाई नै थप गतिशील, पारदर्शी र परिणाममुखी बनाउने देखिन्छ, जसले गर्दा आगामी चार वर्ष कञ्चनपुरको खेल इतिहासमा एक अविस्मरणीय र गौरवशाली ‘गोल्डेन एरा’ का रूपमा सफल हुने विश्वास लिएको छ।
The post कञ्चनपुर जिल्ला खेलकुद विकास समितिको नेतृत्वमा ज्ञानेन्द्र बहादुर सिंह appeared first on .
