‘नन्द प्रिमियर लिग (NPL)- सेसन १’ उपाधिका लागि विद्यालय स्तरीय टोलीहरू मैदानमा उत्रिँदै, यस्तो छ खेल तालिका
कृष्णपुर: कञ्चनपुरको कृष्णपुरमा “राष्ट्रका लागि खेल, स्वास्थ्यका लागि खेल” भन्ने मूल नाराका साथ भोलि जेठ २० गतेदेखि सुरु हुन लागेको प्रतिक्षित विद्यालय स्तरीय क्रिकेट प्रतियोगिता ‘नन्द प्रिमियर लिग (NPL) – सेसन १’ को सम्पूर्ण तयारी पूरा भएको छ र यसको विस्तृत खेल तालिका (टाई-सिट) समेत सार्वजनिक गरिएको छ।
कृष्णपुर-०३, देखतभुलीस्थित श्री नन्द माध्यमिक विद्यालय संयुक्त विद्यार्थी समाजको आयोजनामा सञ्चालन हुन लागेको यस प्रतियोगिताको पहिलो दिन अर्थात् जेठ २० गते चारवटा रोमाञ्चक खेलहरू हुनेछन्, जसमा बिहान ८:०० बजे उद्घाटन खेल (Game 1, Pole A) मा Rosy र Nand B भिड्नेछन् भने बिहान १०:०० बजे Game 2 (Pole B) मा Kanchan र Jyoti, दिउँसो २:०० बजे Game 3 (Pole C) मा Gynodaya र Sarswoti, तथा दिउँसो ३:३० बजे Game 4 (Pole D) मा Sunlight र J.B. बिच प्रतिस्पर्धा हुनेछ।
उल्लेखित खेल तालिका अनुसार प्रतियोगिताको दोस्रो दिन (जेठ २१ गते) बिहान ८:०० बजे Bloomfield र Rosy, १०:०० बजे Nand A र Sarswoti, दिउँसो २:०० बजे Rastiya र Kanchan, तथा दिउँसो ३:३० बजे Kalika र Sunlight बिच खेल हुनेछ भने तेस्रो दिन (जेठ २२ गते) लिग चरणका अन्तिम खेलहरू अन्तर्गत Nand B र Bloomfield, Gynodaya र Nand A, Jyoti र Rastiya, तथा J.B. र Kalika बिच प्रतिस्पर्धा भई पोल विजेताहरूको टुंगो लाग्नेछ।
टेनिस बलद्वारा लिग सिस्टमका आधारमा T-10 (१० ओभर, ३ ओभर पावर प्ले) फम्र्याटमा खेलाइने र LBW बाहेक आईसिसी (ICC) का सम्पूर्ण नियमहरू लागु हुने यस प्रतियोगिताको नकआउट चरण (Knockout Stage) अन्तर्गत जेठ २३ गते बिहान ८:०० बजे पहिलो सेमिफाइनल (Winner Pole A vs Winner Pole B) र बिहान १०:०० बजे दोस्रो सेमिफाइनल (Winner Pole C vs Winner Pole D) खेलाइनेछ भने सोही दिन जेठ २३ गते नै दिउँसो ३:०० बजे भव्य फाइनल खेल (Winner Pole A vs Winner Pole D) सञ्चालन हुने तालिका रहेको छ।
प्रत्येक टिमले १५ खेलाडी, १ म्यानेजर र १ कोचको अनिवार्य नामावली, EMIS Code तथा २०८२ का SEE विद्यार्थीको हकमा प्रवेश पत्र सहित नियम पालना गरी रु. ३,५५५ प्रवेश शुल्क बुझाएर दर्ता भइसकेको यस प्रतियोगितामा अनुशासित खेल प्रदर्शन गर्नुपर्नेछ, जहाँ प्रथम हुने टोलीले नगद रु. २१,१११ सहित ट्रफी, मेडल र प्रमाणपत्र तथा द्वितीय हुनेले नगद रु. ११,१११ सहित ट्रफी, मेडल र प्रमाणपत्र प्राप्त गर्नेछन्।
विधागततर्फ प्लेयर अफ दि म्याच, प्लेयर अफ दि सिरिज (क्रिकेट ब्याट), बेस्ट ब्याट्सम्यान र बेस्ट बलरलाई आकर्षक पुरस्कार प्रदान गरिने यस ऐतिहासिक प्रतियोगिताले स्थानीय स्तरका युवा क्रिकेट प्रतिभा पहिचान र प्रवर्द्धनमा कोसेढुङ्गा सावित गर्ने विश्वास आयोजकले लिएको छ।
The post ‘नन्द प्रिमियर लिग (NPL)- सेसन १’ उपाधिका लागि विद्यालय स्तरीय टोलीहरू मैदानमा उत्रिँदै, यस्तो छ खेल तालिका appeared first on .
